(കുറിപ്പ് ഇത്തിരി നീണ്ടു പോയി എന്നാലും ഇന്റർനെറ്റ് ഉപയോഗിക്കുന്ന ആളുകൾ എന്ന നിലയിൽ വായിക്കുക)
ഇന്റർനെറ്റ് എന്നത് ചിലന്തി വലയോട് ഉപമിച്ച ഭാവന എല്ലാ തരത്തിലും അർഥ പുർണ്ണമാണ്. ഈ വലകൾ കാണണോ. എവിടെയാണ് അതിന്റെ ഉറവിടം എന്നതോ അറിയണോ കഴിയില്ല.പതിയിരിക്കുന്ന അപകടം ഉണ്ടാവും എന്നത് ഉറപ്പായ കാര്യവും. കാര്യത്തിലേക്ക് കടക്കട്ടെ
ഇന്റർനെറ്റ് തട്ടിപ്പ് പോലെ ചർച്ച ചെയ്യപ്പെട്ട വിഷയം ഇന്റർനെറ്റ് ലോകത്ത് വിരളമാവും. മുകളിൽ പറഞ്ഞ ചിലന്തിയും ചിലന്തിവലയും നമ്മുക്ക് നല്ല പരിചയമാണ്. ഇന്റർനെറ്റിന്റെ തുടക്ക കാലത്ത് ചതിയിൽ പെടുക എന്നത് അറിവില്ലായ്മ ആയിരുന്നു കാരണം എങ്കിൽ ഇന്നത് മാറി. ചതികൾ ഉണ്ടാവും എന്നത് നമ്മുക്ക് അറിയാം എന്നാലും പുതിയ ചിലത് കാണുബോൾ നമ്മൾ വിശ്വസിച്ചു പോകും.
അത്രത്തോളം വിദഗ്ധരായ തട്ടിപ്പുകളാണ് ദിനവും ഇന്റർനെറ്റിൽ പെരുകുന്നത്. നമ്മൾ കെട്ടും മനസിലാക്കിയ തട്ടിപ്പ് രീതികൾ ദിവസവും പുതിയ രൂപങ്ങൾ തേടുകയാണ്. നിങ്ങളുടെ മെയിന് ഒരു കോടി രൂപ സമ്മാനം ലഭിച്ചു, നിങ്ങളുടെ മൊബൈൽ നമ്പറിന് കാർ സമ്മാനമായി ലഭിച്ചു, ഇങ്ങനെ ഇങ്ങനെ പല പല വാചകങ്ങൾ നമ്മൾ പതിവായി കണ്ണുന്നതാണ്. അതിനാൽ തന്നെ ഭൂരിപക്ഷവും അവഗണിക്കുകയാണ്.
1,ഉയർന്ന ശമ്പളം ലഭിക്കുന്ന ജോലി ഒഴിവുണ്ട് എന്നും പറഞ്ഞു sms വന്നാൽ ആരും ഒന്ന് നോക്കും. അത്തരത്തിൽ ഒരു നോട്ടമാണ് എന്റെ സുഹൃതത്തിന്റെ 10000 രൂപയോളം അപഹരിച്ചത്. ഒരുമിച്ച് ഒന്നും 10000 രൂപ അവർ ആവശ്യ പെട്ടിട്ടില്ല. കിട്ടിയ sms ൽ ഉണ്ടായിരുന്ന ലിങ്ക് വഴി പോയപ്പോൾ റെജിസ്ട്രർ ഫീസ്, പിന്നീട് സെക്യൂരിറ്റി തുക ഇതാണ് 4000 രൂപ ഒരുമിച്ച് വാങ്ങിയ ഘട്ടം.
വിവരവും വിദ്യാഭ്യാസവുമുള്ള ആരെയും വിശ്വാസത്തിൽ എടുക്കാൻ കഴിയുന്ന. കോർപറേറ്റ് കമ്പനികളുടെ രീതിയിൽ തന്നെയാണ് കാര്യങ്ങൾ മുന്നോട്ട് പോവുക. വർക്ക് എസ്‌പിരിൻസ് ഉള്ള ഒരാൾക്ക് പോലും ഒരു ഘട്ടത്തിലും സംശയം തോന്നാതെ തുക വാങ്ങി എടുക്കാൻ അവർക്ക് കഴിഞ്ഞു.
വീണ്ടും ചില വീണ്ടു വിചാരങ്ങളിൽ കാര്യങ്ങൾ കൈവിട്ടു പോവുന്നു എന്ന് തോന്നിയപ്പോളാണ്. സുഹൃത്ത് എനോട് കാര്യം പറയുന്നത്. അവന് കിട്ടിയതും അയച്ചതുമായ എല്ലാം സ്ക്രീൻ ഷോട്ട് വഴി എന്നിലേക്ക്. ഈ മേഖലയിലെ കൂടുതൽ പരിചിതമായ അമീനുമായി സംസാരിച്ചപ്പോളാണ്. സുഹൃത്ത് പെയിമെന്റ് നടത്തിയ സൈറ്റ് എന്നത് .tk എക്സ്റ്റൻഷൻ വരുന്ന തല്ലി കൂട്ടിയ സൈറ്റ് ആണ്. യഥാർത്ഥത്തിൽ www.myntra.com എന്ന സൈറ്റ് ആണ് എന്ന് കരുതി ജോലി ആഗ്രഹത്തിൽ പോയി www.myntra.tk കേറിയത് ഇവിടെ. ഒഫിഷ്യൽ സൈറ്റിനെ വെല്ലുന്ന പ്രഫഷണൽ രീതിയിൽ തന്നെ ആണ് ഈ പേയ്‌മെന്റ് സ്ക്രീൻ ചെയ്തു എന്നത് കള്ളന്മാരുടെ മിടുക്ക്.
ഗൂഗിളിന്റെ സഹായത്തിൽ തപ്പിയൽ കിട്ടുന്ന ലിസ്റ്റിൽ തന്നെ ഫ്രോഡ് സൈറ്റും ഉണ്ടാവും. തിരിച്ചറിയുക ഇത്തിരി പണിയാണ്. കാശ് അവശ്യ പെടുന്ന ഇടത്താണ് നമ്മുടെ ബുദ്ധിയും ബുദ്ധിയുടെ യുക്തിയും പ്രവർത്തിച്ചു തുടങ്ങേണ്ടത്. നെയ്ച്‌ ഉണ്ടാക്കിയ കാശ് പോയാൽ ആർകും സഹിക്കില്ല.
2, ഇവിടെ കാശ് പോകാൻ പോകുന്നത്തിന് മുൻപ് രക്ഷപ്പെട്ടത് നേവി ഉദ്യോഗസ്ഥനാണ്. 15 ലക്ഷം രൂപയുടെ സമ്മാനം അടിച്ചിട്ടുണ്ട് എന്നാണ് ഇവിടെ പറഞ്ഞത്. ചുമ്മ സമ്മാനം ലഭിച്ചതല്ല. ഒരു മാസം മുൻപ് ഒൻലൈനിൽ നിന്ന് വാങ്ങിയ ഒരു സാധനതിന്റെ ലക്കി ഡ്രോ വഴിയാണ് സമ്മാനം വന്നത്. സാധനം വാങ്ങിയത് വിശ്വസിക്കാവുന്ന സൈറ്റ് ആയത് കൊണ്ട് യാതൊരു സംശയവും ഇല്ലാതെ സന്തോഷമായി. 15 ലക്ഷം വാങ്ങാൻ തയാറായി. 15 ലക്ഷം രൂപ ലഭിക്കാൻ tax തുക മുൻപേ അടക്കണം എന്നത് പറഞ്ഞു വിശ്വസിപ്പിക്കാൻ അവർക്ക് കഴിഞ്ഞു. ഭീമമായ തുക ഫോർവെർഡ് ചെയ്യുന്നതിന് മുൻപ് ഉണ്ടായ വീണ്ടു വിചാരമാണ്. ചതിവിൽ നിന്ന് രക്ഷപെടാൻ കാരണമായത്.
നമ്മടെ ദിനചര്യകൾ നമ്മിലും കൃത്യമായി പഠിക്കാനും അത് ഉപയോഗിച്ച് നമ്മളെ പറ്റിക്കാനും കള്ളമാർ വല വിരിച്ച് കാത്തിരിക്കുന്നു.
3, ₹6000 രൂപ ആറു മാസം നിക്ഷേപിച്ചാൽ ദിവസവും ₹200 രൂപ ബാങ്കിൽ വരുന്ന മറ്റൊരു ബിസിനസ് ഈ അടുത്ത് കേൾക്കുക ഉണ്ടായി. ഇങ്ങനെ ദിവസവും ലഭിക്കുന്ന സഹ മുറിയന്റെ മെസ്സേജുകൾ കണ്ടതാണ് ഈ സുഹൃതത്തിന് ഇതിൽ മോഹമുദിച്ചത്.
ചെയിൻ ബിസിനസ് പോലെ ആദ്യം കൂടുന്നവർക്ക് കൃത്യമായി തുകകൾ വന്ന് കൊണ്ടിരിക്കും. കൂടുതൽ ആളുകൾ ഇത്തരത്തിൽ ചേർന്ന് കഴിയുബോൾ ആവും ഇത് നിലക്കുക. ഇതര ബിസിനസ് തട്ടിപ്പുകളിൽ നമ്മൾ കാണുന്നത് എന്നും ഏറ്റവും താഴെ ഉള്ളവരെ ആവും. അവർക്ക് മുകളിൽ ഉള്ളവരെ അവർക്ക് വലിയ പരിചയം ഉണ്ടാവില്ല. അവരും നമ്മളെ പോലെ പറ്റിക്ക പെടുന്ന മറ്റൊരാൾ അത്രെ ഉണ്ടാവൂ.
4, ചതിയുടെ മറ്റൊരു രൂപമാണ് ചെറിയ തുകകൾ വാങ്ങുക എന്നത്. 250 രൂപക്ക് ടാബ് ലഭിക്കുന്നു എന്ന പരസ്യം കണ്ട് ആകാശ് ടാബിന് (പേര് സംശയം) പൈസ മുടക്കി ഇരിക്കുവാർ ഒരുപാടുണ്ട്. അതിന്റെ പിന്നിലെ കമ്പനി നഷ്ടത്തിൽ പൂട്ടി എന്ന കള്ള കഥ ഉണ്ടാക്കി അടച്ചത്. പത്ര വാർത്തയിൽ വന്നത് 250 മുടക്കിയവർ ആരും അറിഞ്ഞിട്ടില്ല എന്നത് വേറെ ഒരു തമാശ
★നമ്മുടെ ബുദ്ധി കുറവല്ല. നമ്മുടെ ആവശ്യങ്ങളിൽ ചിലപ്പോൾ നമ്മുടെ ബുദ്ധി തോറ്റ് പോകുന്നതാണ് ഇത്തരത്തിലുള്ള കബളിപ്പിക്കലുകളിൽ നമ്മൾ ചാടുക. എല്ലാത്തിനും ഈ ലോകത്ത് അതിന്റെ മൂല്യങ്ങളുണ്ട്. അത് ജോലി, സമ്മാനം, പണം, സാധങ്ങൾ, സേവനം എന്ത് ആയാലും ഒരു വസ്തുവിന്റെ മൂല്യങ്ങൾക്ക് അപ്പുറം അവയുടെ വില കുറവ് കണ്ടാൽ അതിൽ ചതിവ് ഉണ്ടാവും എന്നത് പരസ്യമാണല്ലോ. ഈ ലോകത്ത് കൃത്യമായ കാരണം ഇല്ലാതെ ഒന്നും വെറുതെ ലഭിക്കുകയില്ല.
★ബുദ്ധിമാനായ നമ്മൾ മറ്റൊരാളുടെ മുന്നിൽ പറ്റിക്കപെട്ടു എന്നത് പൂരിപക്ഷവും പുറത്ത് പറയില്ല. പോലീസിൽ പരാതി പറയാൻ പോവില്ല എന്നത് എല്ലാം കൊണ്ട് ഈ കള്ളന്മാർക്ക് ഇരകൾ സുലഭമാണ്. ഇന്നിയും പുതിയ വലകൾ നെയ്ത് അവർ കാത്തിരിക്കുന്നു.
★നഷ്ടപ്പെട്ട പണം തിരിച്ചു ലഭിക്കാൻ സാധ്യത വളരെ കുറവാണ് എങ്കിലും പോലീസിൽ ( സൈബർ സെല്ലിൽ ) പരാതി നൽകുന്നത് വളരെ നല്ലതാണ്. ഇന്നി എന്നെങ്കിലും ഇവർ പോലിസ് പിടിയിലായൽ നമ്മുടെ കാശ് തിരിച്ചു കിട്ടിയല്ലോ. അതുമല്ലെങ്കിൽ നമ്മുടെ രേഖകൾ ഉപയോഗിച്ച് വേറെ ഫ്രോഡ് ചെയ്താൽ അപ്പോൾ ഉണ്ടാവാൻ സാധ്യത ഉള്ള കേസിൽ നിന്ന് തടി രക്ഷിക്കാൻ ഇപ്പോൾ കൊടുക്കുന്ന പരാതി നമ്മുക്ക് സഹായകമാവും.
-നസിബ് വട്ടക്കയം
